Умайн миом буюу хоргүй хавдар түүний эмчилгээ - Мизмэди

Умайн хоргүй хавдар буюу миом

Миом нь умайд үүсдэг хавдар бөгөөд хорт хавдар биш хэдий ч хэмжээ нь өсч томордог байх нь олонтаа тохиолддог. Нийт эмэгтэйчүүдийн 20 орчим хувьд илэрдэг харьцангуй элбэг эмгэг юм. Дийлэнхдээ тодорхой хугацаагаар явцыг нь ажиглах замаар хяналт тавьж болдог ч зарим тохиолдолд эмчилгээ хийлгэх шаардлага ч гардаг.

 

 

Оношлогоо:

Миом нь ихэвчлэн эрүүл мэндийн шинжилгээ хийлгэх явцад санаандгүй илрэх тохиолдол олон байдаг ба эхо шинжилгээгээр байрлал болон хэмжээг тодорхойлдог.

Хэвлийн хэсгээр өвдөх, сарын тэмдэг ихээр ирэх, сарын тэмдэг ирэх үед өвдөх зэрэг зовиураас болоод эмнэлэгт үзүүлэхээр ирж буй өвчтөнүүдээс ч мөн миом илрэх тохиолдол олон байдаг.

 

Эмчилгээ

Хэмжээ нь том биш бөгөөд ямар нэгэн зовиургүй миом бол тодорхой давтамжтайгаар үзлэг хийн явцыг ажиглаж, хяналт тавьдаг.

Эмчилгээ шаардлагатай тохиолдол нь хэмжээгээрээ томордог юм уу сарын тэмдэг ихээр ирэх, ирэх үед өвдөх, даралт мэдрэгдэх, ойр ойрхон шээх зэрэг зовиуртай тохиололд эмийн болон мэс заслын эмчилгээ хийдэг.

Эмийн эмчилгээг мэс засал хийхэд хэцүү өвчтөнд (өвчтөн өөр ямар нэгэн өвчтэй эсвэл мэс засал хийлгэхийг хүсэхгүй байх тохиолдолд) хэрэгжүүлдэг ба сарын тэмдгийг хязгаарлах эм юм уу тариаг удаан хугацаагаар эмчийн жороор хэрэглэдэг. Энэ нь радикал эмчилгээ гэхээсээ илүү тодорхой хугацаанд өвчний явцыг зогсоох үүрэг гүйцэтгэдэг бөгөөд мэс заслын эмчилгээнээс өмнөх туслах эмчилгээгээр хэрэглэгддэг.  

Мэс заслын эмчилгээг ерөнхийд нь умайг авах мэс засал, миом авах мэс засал, умайн артерийн судсыг бөглөх мэс засал(умайн артерийн судсыг бөглөж миомийн хэмжээг багасгах арга) гэж ангилж болно.

Умай авах болон миом авах мэс заслыг миом хэмжээ хэт том юм уу урьд нээж хийлгэсэн хагалгаанаас хэвлийн дотоод гэмтэл ихтэй тохиолдол л биш бол МизМэди эмнэлэг нь дурангийн аргаар мэс заслыг хийж байна.

МизМэди эмнэлэг өвчтний аюулгүй байдлыг хамгийн тэргүүнд тавидаг.

МизМэди эмнэлэг нь Сөүл хотын Кансо дүүргийн гал түймэртэй тэмцэх газартай хамтран “Гал түймэртэй тэмцэх загварчилсан сургуулалт” хийлээ.

МизМэди эмнэлэг нь өнгөрсөн 10 сарын  29-нд Кансо дүүргийн гал түймэртэй тэмцэх газартай хамтран гэнэт гал гарах үед ажилчдаа бэлтгэх үүднээс “Гал түймэртэй тэмцэх загварчилсан сургуулалт”- ыг зохион байгууллаа.

Сөүл хотын Кансо дүүргийн гал түймэртэй тэмцэх газрын онцгой байдлын сургалтын албатай хамтран хийсэн энэ удаагийн “Гал түймэртэй тэмцэх загварчилсан сургуулалт” нь эмнэлгийн төв байрны В1 давхрын мэс заслын өрөөнд гал гарах үед эмнэлгийн дотоод гал түймэртэй тэмцэх албаны  анхан шатны арга хэмжээ авах чадвар, мөн тухайн газрын сувилагчийн тоног төхөөрөмжөө ашиглах чадвар зэрэгт дадлагажуулан, төрөх тасаг болон нярай хүүхдийн  тасгийн жирэмсэн эх, нярай хүүхдийг аврах ажлыг гол агуулга болгон хэрэгжүүллээ.

 

Мизмэди эмнэлэг нь ажилтнуудаа хамруулан онцгой байдлын үеийн аюулгүй байдлын сургалт болон гал түймэртэй тэмцэх загварчилсан сургуулалт зэргийг онцгой байдлын газартай хамтран  байнга зохион байгуулсаар ирсэн.

 

МизМэди эмнэлгийн дарга Ким Тэ Юнь “Сэволху усан онгоцны ослоос том бага хэмжээний ослууд олон гарч байгаагаас аюулгүй байдлын асуудалд хандах хандлага,  ухамсрыг сайжруулах хэрэгтэй үе” гээд “Эмнэлэг бол амьд биетэй харьцдаг газар учраас өвчтний аюулгүй байдлыг хамгийн нэн тэргүүнд тавих ёстой. Бүх ажилчид эмнэлэг дотор гал гарах үед эхний шатанд нь унтраах, яаралтай арга хэмжээ авч өвчтнүүдийг аюулаас хамгаалах сургуулалтыг үргэлж хийх нь зүйтэй” гэж онцлон хэллээ.